Ապագա բժիշկ (1269-70) 12-13.2012 Սեպտեմբեր
Լամբերտո Զանյեն 10 հազար եվրոյի նվիրատվության վկայագիր հանձնեց ԵՊԲՀ-ի «Մուրացան» հիվանդանոցային համալիրին
Հայաստանում պաշտոնական այցով գտնվող ԵԱՀԿ գլխավոր քարտուղար, դեսպան Լամբերտո Զանյեն Երևանի Մխիթար Հերացու անվան պետական բժշկական համալսարանի «Մուրացան» հիվանդանոցային համալիրին հանձնեց 10 հազար եվրոյի նվիրատվության վկայագիր:
Նա նշեց, որ նվիրատվությունը հնարավոր է դարձել Վիեննայում` կայսերական դղյակում կազմակերպված ԵԱՀԿ բարեգործական պարահանդեսի շնորհիվ: Գլխավոր քարտուղարի կողմից ամեն տարի կազմակերպվող այս միջոցառմանն աջակցում են քարտուղարող երկիրը, ինչպես նաև ԵԱՀԿ բոլոր պատվիրակությունները, այդ թվում` հայաստանյան:
Շնորհակալություն հայտնելով ցուցաբերած օժանդակության համար` ԵՊԲՀ ռեկտորի պաշտոնակատար, պրոֆեսոր Սամվել Ավետիսյանը նշեց.
«Ակնհայտ է, որ Եվրոպայում անվտանգության և համագործակցության կազմակերպությունը չափազանց կարևորում է մարդկային արժեքները, մասնավորապես` մարդու կյանքն ու առողջությունը: Դրա վկայություններից մեկն էլ արդեն ավանդույթ դարձող օժանդակությունն է այս կլինիկային, որտեղ մասնագիտացված բժշկական օգնություն են ստանում հեմատոլոգիական խնդիրներ ունեցող երեխաները: Առիթն օգտագործելով ուզում եմ տեղեկացնել, որ մեկ տարի առաջ ԵԱՀԿ երևանյան գրասենյակի կողմից այս նույն կլինիկային նվիրաբերած 5000 եվրո արժողությամբ ժամանակակից սարքավորումները` պուլոքսիմետրը, հեմոգլոբինը չափելու, ինֆուզիոն երկու պոմպերը, ջրային բաղնիքի սարքերը, հնարավորություն են տալիս սոլիդ ուռուցքներով ու հեմատոլոգիական պաթոլոգիայով մանուկ և մեծահասակ հիվանդների ախտորոշումն ու բուժումն ավելի արդյունավետ կազմակերպել: Նաև ուզում եմ վստահեցնել, որ նվիրաբերվող գումարը այս անգամ ևս կծառայեցվի իր նպատակին: Բարեգործական այս ակցիան բուժանձնակազմին պարտավորեցնում է առավել սրտացավ և ուշադիր գտնվել առողջական լուրջ խնդիրներ ունեցող իրենց հիվանդների նկատմամբ»:
ԵԱՀԿ գլխավոր քարտուղարին շնորհակալություն հայտնելով` ՀՀ առողջապահության նախարարի և նախարարության կողմից, առաջին փոխնախարար Հայկ Դարբինյանը հույս հայտնեց, որ ամենախոցելի խմբերին ուղղված աջակցությունը կշարունակվի: Նա վստահություն հայտնեց, որ այս նվիրատվությունը ևս կծառայի իր նպատակին:
ԵԱՀԿ գլխավոր քարտուղար, դեսպան Լամբերտո Զանյեն այցելեց հիվանդանոցային համալիրի քիմիաթերապիայի կլինիկա, փոքրիկ հիվանդներին առողջություն մաղթեց: Դեսպանը նաև շեշտեց, որ նվիրատվությունը ուռուցքաբանական և հեմատոլոգիական հիվանդություններով երեխաների բուժմամբ զբաղվող հայկական կազմակերպությանն է հանձնվել այն պատճառով, որ տարիներ շարունակ ԵԱՀԿ-ն հետևել է հայկական նման կառույցների արդյունավետ գործունեությանը:
Կարդացեք նաև
Ուրախ եմ ողջունել բոլոր նրանց, ովքեր հաղթանակով դուրս եկան բժշկական համալսարանի ուսանող կոչվելու համար ծավալված դժվարին մրցույթից, ովքեր երջանկություն ունեցան իրականացած տեսնել իրենց նվիրական երազանքը...
ՀՀ կառավարության ս/թ հուլիսի 4-ի որոշմամբ մեր բուհի հովանավորությանն է հանձնվել Երևանի թիվ 30 ավագ դպրոցը, որն այժմ կոչվում է Երևանի պետական բժշկական համալսարանի «Հերացի» դպրոց...
Նոր ուսումնական տարվա նախօրեին կայացած ռեկտորատում քննարկվեցին 2012-13 ուստարվա կլինիկական օրդինատուրայի ընդունելության արդյունքները: Պրոռեկտոր Մհեր Բիշարյանն այս առթիվ ներկայացրեց...
Բուժաշխատողի օրվա առիթով ՀՀ առողջապահության նախարար Դ.Դումանյանի մաղթանքը թեև հղվել է հունիսի 21-ին, սակայն այն հավասարապես վերաբերում է թե´ ձեզ` 2012-ի սիրելի շրջանավարտներ, թե´ ձեզ` առաջին կուրսեցիներ...
«Յուրաքանչյուր մարդ պիտի ունենա որակյալ բժշկական օգնության հնարավորություն»,-ասաց ՀՀ առողջապահության նոր նախարարն իր պարտականությունները ստանձնելուց 1 ժամ անց...
Անցած ուսումնական տարվա վերջին` հուլիսին կայացած գիտական խորհրդի հերթական նիստում, մինչ օրակարգին անցնելը, մասնակիցները մեկ րոպե լռությամբ հարգեցին բուհի նախկին ռեկտոր...
Երևանի Մխիթար Հերացու անվան պետական բժշկական համալսարանում 2011-12 ուսումնական տարում առաջին կուրսեցիները ամառային քննաշրջանի քննությունները հանձնեցին համակարգչային ծրագրով...
Թույլ տուր ներկայանալ` «ԱՊԱԳԱ ԲԺԻՇԿ»: Անունս անգամ հստակ հուշում է, թե ով է լինելու գլխավոր ընթերցողս: Խոստանում եմ ուսանողական տարիներին քեզ հետ լինել, աշխատելով որքան հնարավոր է օգտակար լինել քեզ...
Հույն բժիշկ և փիլիսոփա Հիպոկրատն անտիկ բժշկության բարենորոգիչն է, «բժշկության հայրը»: Նա բժշկությունն ազատել է քրմական ազդեցությունից և որոշել նրա ինքնուրույն զարգացման ուղին: Հիվանդությունը դիտել է որպես զարգացող երևույթ, ժխտել նրա...
Հուլիսի 4-ին Երևանի Մխիթար Հերացու անվան պետական բժշկական համալսարանի գիտական խորհրդի հանդիսավոր նիստի ժամանակ հիպոկրատյան երդում տվեցին 2011-12 ուսումնական տարվա շրջանավարտները...
Քո մասնագիտությունն այն եզակիներից է, որում գործունեությունդ սկսելուց առաջ պարտավոր ես երդվել` զինվորի նման: Այս հանգամանքն ընդգծում է մասնագիտությանդ կարևորությունը...
Մենք ճանապարհ ենք դնում 106 շրջանավարտների, այդ թվում ընդհանուր բժշկության ֆակուլտետի 61, ստոմատոլոգիական ֆակուլտետի 44 և դեղագիտական ֆակուլտետի 1 շրջանավարտների...
Երևանի Մ. Հերացու անվան պետական բժշկական համալսարանի մեծ դահլիճում հանդիսավոր պայմաններում տարեվերջին դիպլոմներ հանձնվեցին ընդհանուր բժշկության, ստոմատոլոգիական, դեղագիտական ֆակուլտետների...
Տարիներ առաջ, կարևոր որոշում կայացրած, դուք եկաք ընդունվելու Երևանի բժշկական համալսարան: Հուսանք, որ այդ որոշումը պատահական չէր, այլ լավ մտածված ու միակ ճշմարիտն էր...
Warning: mysqli::query(): (HY000/1): Can't create/write to file '/var/tmp/MYHGAbgl' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384